VOV4.M'nông: Nthoi tay rơh hop tâl 10, ôi (19/4), Ủy ban Thường Vụ Quốc Hội an nău rgop tâm bôk nău kan rơh hop tâl 3, Quốc hội khóa 15. Tĭng trong nchrăp rơh hop 3, Quốc hội hop rgum ta Jay Quốc hội. Yơn lah hôm geh rnă lor trong hop pơk sŏng dăng bah ngai nkhêp geh nău khlay đŏng. Nchrăp tâm nar pah kan bah Quốc hội lah jŏ tâm 20 nar. Quốc hội ntơm pơk tâm nar ngoăy, 23/5, nchrăp n'glôch jêh nar 17/6. Chính phủ dăn đă njong rêng kan nchrăp ƀư Luật Neh ntu (rgâl nkra) tă bah tâm rnôk rdâk njêng Luật hŏ ntoh du đêt nkô̆ nău mhe ân geh tay mông nar gŭ mĭn di tay na nê̆. Kruanh Quốc hội Vương Đình Huệ dăn đă uănh khlay n'hao săk blău nău rgum, rgop nău đại biểu Quốc hội tâm nchră ta rmôt n'hanh ta hội trường; kan nchrăp, nchrăp na nê̆ mpeh pah kan rgum nchih nău lư, nkoch trêng, báo chí, ăp ndơ dŏng njrăng, n'gang nuh srê, gay rhŏ dŏng uĕh tay an rơh hop./.

Nuĭh rblang: Điểu Thân