Nthoi tay rơh hop tâl 25, nar aơ 24/8, Ủy ban Thường vụ Quốc hội lăp tâm rơh tâl 2 bah rơh hop, an nău rgop mpeh nău rblang, djăt, rgâl di trong nchrăp Luật Tăch rgâl neh ntu (rgâl nkra). Tât rnôk dja, trong nchrăp Luật Tăch rgâl neh ntu (rgâl nkra) hŏ dơi rgâl di, ƀư lôch jêh âk nkô̆, dơi ăp nuĭh rnâng kan rnê âk. Yơn lah, quy định mpeh  nchăm lor tâm nău tăch rgâl jay gŭ, ndơ rdâk njêng jêng tâm let năp tay hôm âk nău rgop êng êng.

Trong nchrăp Luật Tăch rgâl neh ntu (rgâl nkra) dŭt mhe quy định đŏng, mpeh nuĭh tăch mô dơi sŏk rlău 95% rnoh khlay  tâm ton rnôk mpeh nuĭh rvăt mô hŏ dơn geh siƀŭt kơp dơn nău dơi dŏng neh, dŏng jay gŭ. 5% rnoh khlay hôm ƀa ƀă bah nău tâm ton dơi ndơ̆ rnôk nhih pah kan ngih dak geh nău dơi kan hŏ pă an siƀŭt nău dơi dŏng neh, dŏng jay gŭ. Yơn lah, trong nchră Luật Tăch rgâl neh ntu (rgâl nkra) dôl quy định nuĭh rvăt ân ndơ̆ 100% prăk ri Văn phòng đăng ký neh ntu mơ dơn hồ sơ n’hanh ƀư siƀŭt kơp dơn nău dơi dŏng neh./.