VOV4.M'nông: Ôi 27/6, wa Trần Quang Phương, Groi Kruanh Quốc hội hŏ pah kan đah kruanh rđău kan n'gor Khánh Hòa mpeh pah kan nkra nău lah phong. Tĭng nău mbơh, ntơm bah năm 2016 tât 2021, nău lah phong ta n'gor Khánh Hòa hao âk rlău 150% rđĭl đah 5 năm bah năp nơh.

Tâm rơh dja geh rlău 6.600 si ƀŭt njuăl, tâm nê 70% lah si ƀŭt rlăch dun tay nău nkra, hôm ƀa ƀă lah si ƀŭt lah phong. Nkô̆ lah tă bah n'gor Khánh Hòa dôl tĭng ƀư âk trong nchrăp kan têh, rnoh âk rnăk ƀon lan, rnoh hvi neh geh tât khuch yơn quy định mpeh trong kơl, trok tâm mô hŏ tâm di ngăn ngăn. Tâm rnôk nê, pah kan mât uănh ngih dak bah n'gâng kan tâm dâng mô hŏ lhăt; du đêt nhih pah kan, đơn vị nkra si ƀŭt lah phong bah nuĭh ƀon lan mô hŏ năn ngăch. Lvang năm 2016-2021, n'gor Khánh Hòa hŏ wơt bơi 13 rbăn tơ̆ nuĭh ƀon lan, đah bơi 9.800 tơ̆ nău tih, tâm nê geh 133 mpôl âk nuĭh, rnoh nău tih mpôl âk nuĭh dŭt jêr nkra./.

Nuĭh rblang: Điểu Thân