VOV4.M’nông –  Nthoi tay rơh rƀŭn chuyên đề pháp luật khay 8, ôi 18/8, đah 100% nuĭh geh măt tâm ban ŭch, Ủy ban TVQH lĕ mbơh an Pháp lệnh rmal nău ƀư tih hành chính đah nău ƀư nking n’gang nău kan tố tụng. Pháp lệnh lĕ na nê̆ đah nău ƀư nking n’gang nău kan tố tụng kơt nău ƀư phong, mbơh mpeh nău dôih tih ngăn; nău ƀư mbơh mpôn uănh nđôi; nău ƀư nking n’gang ntoh măt bah ngih pah kan, rmôt kan mô lah êng nuĭh râng tố tụng.... Pháp lệnh rmal nău tih hành chính đah nău ƀư nking n’gang nău kan tố tụng ntrŭnh nău cán bộ, công chức, viên chức, nuĭh tâm rmôt tahen ƀon lan, công an ƀon lan, nuĭh pah kan cơ yếu ƀư nking n’gang nău kan tố tụng rnôk dôl ƀư nău kan, n’hanh nău ƀư tih nĕ mpeh tâm nău kan nsum, nău kan ri mô geh rmal tĭng nău ntrŭnh bah pháp luật mpeh rmal nău tih hành chính ma geh rmal tĭng nău ntrŭnh bah pháp luật mpeh cán bộ, công chức, viên chức n’hanh nău ntrŭnh êng bah pháp luật geh tât.

Nuĭh rlang: Y Sưng Phê Ja