Nar aơ (15/8), Ủy ban Thường vụ Quốc hội rong an du nar pah kan gay ƀư rơh ôp n’hanh ơh nău ôp đah 2 rmôt nkô̆ nău mpeh trong dơn kan bah Bộ Tư pháp, Bộ Nông nghiệp n’hanh Phát triển nông thôn. Kruanh Quốc hội Vương Đình Huệ lah ta rơh ntơm pơk n’hanh n’glôch jêh rơh ôp n’hanh ơh nău ôp nkô̆ dja.

Bộ trưởng Bộ Tư Pháp Lê Thành Long rgum ơh đại biểu Quốc hội mpeh nău tĭng ƀư bôk nău kan rdâk njêng luật, pháp lệnh; ăp trong nkra đăp mpăn rnoh ngăch, săk tam n’hanh siƀŭt sitra ăp trong nchrăp kan, trong nchrăp Chính phủ hao mbơh dăn Quốc hội; nkra trong n’hao săk tam lam trong kan pháp luật, trong nkra ât rdâng nău kan têh, njrăng n’gang sa khâm, tih djơh tâm pah kan rdâk njêng pháp luật mpeh nău dơn kan bah Chính phủ. Mpeh rmôt nkô̆ nău dơn kan bah Bộ Nông nghiệp n’hanh Phát triển nông thôn, Bộ trưởng Lê Minh Hoan ơh mpeh trong nkra droh rklaih jêr jŏt an tăch n’gluh ndơ tuch tăm, ndrel đah nê lah nău kan lơh joi, mât njrăng n’hanh hun hao tơm tui ka dak lêng; trong droh rklaih “thẻ vàng” bah Ủy ban châu Âu (EC) đah tui ka dak lêng; Mpeh nău rgâl nău ŭch dŏng, sŏk mplơ̆ neh tăm ba, đăp mpăn tŏng ăp ndơ sa n’hanh tăch n’gluh phe ba./.