VOV4.M'nông: Nthoi tay rơh hop tâl 8, tâm rơh pah kan ôi 16/2, Ủy ban Thường vụ Quốc hội ŭch nău an dŏng Nghị quyết mpeh nău dơi, nău dơn kan, n'glĕ nău dơi kan n'hanh dăp rgum bah Ƀan Pah kan đại biểu gay tŏng đah nău ŭch rgâl mhe mât bôk kan, nău dơi tam kan bah Quốc hội, ăp nhih pah kan bah Quốc hội.

Ủy ban Thường vụ Quốc hội an lah, nău kơi ntop nău dơn kan, n'glĕ nău dơi kan nkoch bah lơ nê tâm trong nchrăp Nghị quyết lah tâm di đah ngăn ngăn n'hanh nău ŭch geh đah pah kan cán bộ. Nkre tâm ban ŭch dăn đă Ƀan pah kan đại biểu ƀư tơm tâm nkô̆ dơn nău kan dja gay tâm di đah nău ŭch geh mpeh pah kan cán bộ n'hanh rnoh ndăn ngăch bah nău dơn kan dja tĭng quy định bah pháp luật mpeh nchrăp lah phong. Ăp nuĭh lăp kan nsum Ủy ban Thường vụ Quốc hội dăn đă, kơi ntop du đêt nkô̆ nsŏng kơl, leo tĭng ƀư geh tât pah kan mât uănh cán bộ đah đại biểu Quốc hội way rnâng kan./.

Nuĭh rblang: Điểu Thân