VOV4.M’nông: Lơ 1/3, ta Ngih kan Quốc hội, Uỷ ban Tư pháp bah Quốc hội rƀŭn dĭng lĕ tal puăn, rgop nau mpeh nau nchrăp nau kan Pháp lệnh ƀư kan, nau ƀư kan Ngih phat dôih ƀon lan uănh ntrŭnh nau leo nŭih mơng dŏng ma tuý ntơm 12 năm tât tâm dâng 18 năm tâm ntŭk mât chăm nchâp đă. Tĭng nau ntrŭnh bah Luật njrăng, rdâng ma tuý ri nau dơi ntrŭnh leo nŭih mơng dŏng ma tuý ntơm 12 tât tâm dâng 18 năm lăp tâm ntŭk mât chăm nchâp đă yor Ngih phat dôih ƀon lan nkuăl pă, uănh ntrŭnh. Yơn lah, nau kan, nau ƀư aơ ê geh ntrŭnh n’hêl. Luật njrăng, rdâng ma tuý lah kloh, Rđau ban Rnâng kan Quốc hội ntrŭnh nau kan, nau ƀư bah ngih phat dôih uănh, ntrŭnh nau leo nŭih mơng su ma tuý ntơm 12 năm tât tâm dâng 18 năm lăp ntŭk nchâp đă. Đah ăp nkô̆ nau nê, ăp ntoh măt ân lah, nau ntrŭnh pháp lệnh mpeh nau ƀư, nau kan Ngih phat dôih uănh, ntrŭnh nau leo nŭih mơng dŏng ma tuý ntơm tŏng 12 năm tât tâm dâng 18 năm lăp tâm ntŭk nchâp geh uănh njrăng lah nau khlay./.

Nŭih rblang: H’Thi