VOV4.M'nông: Nthoi tay rơh hop tâl 10, nar aơ, Ủy ban TVQH an nău rgop mpeh trong nchrăp Luật Njrăng, n'gang tâm lah tâm janh rnăk wâl (rgâl nkra). Trong nchrăp Luật Njrăng, n'gang tâm lah tâm janh rnăk wâl (rgâl nkra) quy định nău way njrăng n'gang bah tâm lah tâm janh rnăk wâl; ăp trong mât njrăng, ntop kơl n'hanh rmal nău tih pháp luật mpeh njrăng, n'gang tâm lah tâm janh rnăk wâl; nău dơn kan bah nhih pah kan, mpôl kan, rnăk wâl, êng nuĭh tâm nău tĭng ƀư ăp trong njrăng, n'gang tâm lah tâm janh rnăk wâl. Trong nchrăp rgâl nkra rơh dja, dŏng đah lĕ rngôch lĕ ma ur, sai hŏ tâm ntlơi mô lah gŭ rêh nsum tâm ban ma ur sai mô đăng ký kết hôn. Trong nchrăp Luật quy định ăp nău tih mpăng đŏng kơt: Mpet lơh, nsŭk nsôr, kơl nuĭh êng tâm lah tâm janh rnăk wâl. Mpôn mo, njâm hôch tâm lah tâm janh rnăk wâl. Nkoch nklă nău lư tih leh mô tâm di mpeh tâm lah tâm janh rnăk wâl ma ăp trong ƀư./.

Nuĭh rblang: Điểu Thân