VOV4.M’nông – Nthoi tay bôk nău pah kan rơh rƀŭn tal 10, ôi aơ 25/4, Ủy ban Thường vụ Quốc hội an rgop mpeh nău mbơh bah Chính phủ jêh ƀư tĭng ntêm nkrem, nchăng n’gang mpŭng lir năm 2021. Tâm trong kan nchrăp ntuh kơl, geh âk nău nchrăp ƀư mô tŏng sam ƀŭt ntuh kơl, mô tŏng tâm pă prăk, jêng tât mô geh di nău rƀŏng n’gluh an bah ăp trong bôk năp; nău kơp uănh, tâm plĕ, ntop tay prăk an ăp nău nchrăp ƀư pă prăk uĕh, geh nău ŭch prăk gay jêh ăp nău nchrăp ƀư mô hŏ dơi ƀư ngăch. Aơ lah nău nkân jŏ jong âk năm, Chính phủ an mkra lôch. Tâm năm 2021, 9 n’gâng kan n’hanh 21 ntŭk mô hŏ tâm pă na nê̆ prăk ntuh kơl nsum; geh 10 ntŭk mô hŏ tâm pă lĕ đah dĭng lĕ rnoh prăk. Nuĭh ƀon lan ŭch ăp năm ơm ƀư tĭng nău kơl pháp luật mpeh ƀư tĭng ntêm nkrem, nchăng n’gang mpŭng lir dơi tâm nchră du trong di ngăn ngên ta rơh rƀŭn bah Ủy ban Thường vụ Quốc hội nar aơ.

Nuĭh rblang: Y Sưng Phê Ja