VOV4.M’nông- ƀư tay bôk nău kan rơh rƀŭn nchră tal 10 kêng măng nar 18/4, an tâm rgop bôk năp mpeh nău nchrăp Luật thanh tra, Ủy ban rnâng kan QH dăn đă, an geh mât n’hanh n’hao an thanh tra gâl nkuăl gay ma njrăng sa nkhiăn sa ƀer, nău mô ueh, geh vơt tay ƀon lan n’hanh doh rklaih ăp nău tâm phong. Âk nău dăn đă an geh mĭn uănh, geh trong kan rgâl mhe leo kan n’hanh pah kan bâh thanh tra hành chính ta gâl nkuăl an tâm di đah nău ŭch pah kan ueh di bâh nău kan, n’hao an săk rnglăy, geh nău kan tâm di ueh. Ntŭk leo kan thanh tra hành chính bôk năp tât aƀaơ lĕ tâm di , kơl an UBND nkuăl mpeh nău kan thanh tra, njrăng sa nkhiăn sa ƀer, mpŭng lir, vơt ƀon lan, doh rklaih nău tâm lah tâm phong. Tĭng bôk nău kan, ôi aơ 19/4, Ủy ban rnâng kan QH an tâm rgop mpeh nău nchrăp kan bâh bôk nău kan uănh nđôi bâh QH, nău nchrăp an rơh rƀŭn nchră tal 3 bâh QH n’hanh uănh n’hêl, ntrŭnh rnoh nuĭh kan bâh Ủy ban kiểm sát Viện kiểm sát nhân dân gâl têh.

Nuĭh rblang: Thị Đoắt