VOV4.Mnông. Ôi nar v15/2, ta ntŭk kan Quốc hội, ntơm pơk rơh rƀŭn nchră tal 8, Ủy ban rnâng kan Quốc hội. geh ƀư bâh nar 15 tât 17/2, ta rơh rƀŭn nchră aơ, Ủy ban rnâng kan Quốc hội an nău tâm rgop ta âk nkô̆ nău khlăy. An tâm rgop ta nău nchrăp Luật cảnh sát cơ động, ăp đại biểu mĭn rvê rnôk ma nău nchrăp luật ntrŭnh đă cảnh sát cơ động geh lăp ta ntŭk kan, n’gâng kan ntŭk gŭ bâh ăp nuĭh. Đah ăp nuĭh lăp ta ntŭk kan ngih dak ndơn kan nchră nău đah ntŭk kan bah dih, ntŭk kan ndơn kan bâh lãnh sự dak bah dih, ntŭk kan ndơn kan bâh ntŭk kan đah dak bah dih...an geh ƀư tĭng nău ntrŭnh bâh pháp luật Việt Nam n’hanh nău tâm ton lam ntur neh. Ntoh ngơi ta rơh rƀŭn nchră, kruanh Quốc hội Vương Đình Huệ dăn đă mpôl kan cảnh sát cơ động an geh n’hao nău leo kan, ngăch ngăr, tâm rdâng đah ntŭk duh jêr. Kruanh Quốc hội Vương Đình Huệ lĕ dăn đă pă nchrăp nuĭh kan aơ ta ăp ntŭk tơm khlăy. Mât đăp mpăn nău leo kan dơn ngoăy tâm nău leo đă kan mpôl cảnh sát cơ động.

Nuĭh rblang: Thị Đoắt