VOV4.M’nông – Ôi 23/3, ta Jay Quốc hội, Ủy ban TVQH nthoi tay bôk nău kan rơh rƀŭn tal 9. Tâm rơh rƀŭn tal 2 aơ, Ủy ban TVQH pah kan tâm 3 nar. Dôl uănh, Ủy ban TVQH mbra uănh mĭn, mbơh an Nghị quyết mpeh rnoh soay mât njrăng ntŭk ntô đah pring, xăng, ngi mbĭr tât lĕ nar 31/12//2022. Nar 13/3 mhe rlău, Chính phủ lĕ mbơh an dự thảo mpeh rnoh soay mât njrăng ntŭk ntô đah pring, xăng, ngi mbĭr tât lĕ nar 31/12 gay mbơh an Ủy ban TVQH mbơh an. Tĭng nĕ, nchrăp n’hŭch rnoh soay mât njrăng ntŭk ntô đah pring, xăng lah 2.000 rbăn/lít; pring diesel, pring mazut, pring mbĭr lah 1.000 rbăn/lít; ngi mbĭr lah 1.000 rbăn/kg; pring ŭnh lah 700 rêl/lít. Tâm ôi aơ Ủy ban TVQH an rgop mpeh nău rblang, djăt, nkra tay 2 nău nchrăp ƀư Luật, nĕ lah: Luật tăch rgâl bảo hiểm (nkra rgâl) n’hanh Luật Điện ảnh (nkra rgâl); an rgop mpeh dự thảo Nghị quyết bah Quốc hội rlong ƀư ntrong kan rdâk ƀư nău pah kan, rƀŏng nău kan, ntĭm nău kan an nuĭh tih dôih bah dih ndrung./.

Nŭih blang: Y Sưng Phê Ja