VOV4.M’nông- Kruanh Quốc hội Vương Đình Huệ lĕ ký nău ntrŭnh Nghị quyết mbrô 17 năm 2022 bâh ủy ban rnâng kan Quốc hội khóa 15 mpeh rnoh mông pah kan ntop tâm 1 năm, tâm 1 khay bâh nuĭh pah kan tâm rnôk njrăng rdâng nuh srê Covid-19 n’hanh ndâk nsơm nău hun hao wăng sa- rêh jêng. Ủy ban rnâng kan Quốc hội ntrŭnh Nghị quyết nuĭh dŏng nuĭh kan geh ŭch n’hanh ŭch an bâh nuĭh pah kan rĭ dơi geh đă nuĭh pah kan ƀư ntop tay rlău 200 mông yơn mô rlău 300 mông tâm 1 năm. Mpeh rnoh mông pah kanb tay tâm 1 khay, nuĭh dŏng pah kan geh dŏng nuĭh kan ƀư ntop tay dŭr âk lah 300 mông tâm 1 năm geh nău ŭch n’hanh geh nău ŭch kan bâh nuĭh kan rĭ đă nuĭh pah kan ƀư tay rlău 40 mông yơn mô rlău 60 mông tâm 1 khay. Nău ƀư tĭng nău ntrŭnh mpeh rnoh pah kan tay ta Nghị quyết aơ geh ƀư tĭng tŏng ăp nău ntrŭnh êng geh tât bâh n’gâng kan lao động. Nghị quyết aơ geh nău tam ƀư tĭng bâh nar 1 khay 4 năm 2022.

Nuĭh rblang: Thị Đoắt