VOV4.M’nông – Ôi aơ, ta Ngih Quốc hội, Ủy ban Thường vụ Quốc hội ƀư ôp n’hanh ơh nău ôp bah ntoh măt Quốc hội đah 2 hê nuĭh Chính phủ. Lor rơh ôp, nuĭh ƀon lan âk nău ŭch jêh rơh ôp Chính phủ geh nău kơl tâm di, đăp mpăn pring xăng khay tât kơt geh trong mkra nking n’gang nău rlăm nău nsâm rnoh khlay tâm ăp rơh tâm rlong khlay neh. Mpeh nkra njêng, pă manh pring xăng; trong kan ƀĭt joet rnoh khlay pring xăng nar bah năp lah 1 tâm 2 rmôt nău dơi Ủy ban TVQH săch gay ƀư ôp Kruanh N’gâng kan Công thương Nguyễn Hồng Diên. Nău kan n’hanh trong nking n’gang nău rlăm nsâm rnoh khlay tâm ăp rơh tâm rlong rnoh khlay neh đah rnoh rlău ir nău khlay bah ntŭk tăch rwăt gay ntrôl neh khlay ăp nkual kiău ma hao âk gay ŭch geh sa an nơm.... nkô̆ nău dơi Thường vụ Quốc hội săch ôp đah Kruanh N’gâng kan Tài nguyên n’hanh Môi trường Trần Hồng Hà. Rơh ôp dơi ƀư ta Ngih rƀŭn Diên Hồng, Ngih Quốc hội n’hanh boăt nthơi ntuh rup sŏng dăng đah 63 Mpôl ntoh măt Quốc hội ta ăp n’gor, nkual ƀon têh mpeh tâm Trung ương.

Nuĭh rblang: Y Sưng Phê Ja