Rơh rƀŭn nchră uănh n’hêl, tâm nchră, an tâm rgop mpeh 4 nkô̆ nău khlăy geh: Nău mbơh tơih nău geh pah kan năm 2022 n’hanh nău nchrăp pah kan mpeh 4 nkô̆ nău dŭt khlăy geh: Nău mbơh tơih mpeh nău kan ta năm 2022 n’hanh nău nchrăp kan năm 2023 bâh Ủy ban, nău mbơh tơih tât râng ôp uănh năl nău geh ƀư tĭng nău nchrăp hun hao wăng sa, rêh jêng năm 2022, nău mbơh tơih nău geh uănh nđôi, uănh năl ƀư tĭng nău kơl, pháp luật mpeh du đê̆ nkô̆ nău, ntĭm nti mầm non ta ăp nkual công nghiệp, nkual nkra njêng, ntĭm nti Đại học, ntĭm nti nău kan n’hanh mbơh tơih nău geh uănh nđôi ƀư tĭng nău kơl, pháp luật mpeh njrăng, rdâng rmok dak ta oh kon se.

Ntoh ngơi ntĭm leo rơh rƀŭn nchră, Ủy viên Bộ chính trị, groi kruanh rnâng kan Quốc hội Trần Thanh Mẫn đă Ủy ban an geh kơl nsrôih tay lơn, rgum ƀư lôch ueh ăp nău kan lĕ geh ngluh mbơh tâm năm 2022, ngăn lah nău leo kan, tâm rgop leo ƀư dơi rơh tâm nchră văn hóa lam dak năm 2022.

VOV/Nuĭh rblang: Thị Đoắt