Ôi 7/7 ta nhih pah kan Chính phủ, Bộ trưởng, Chủ nhiệm Văn phòng Chính phủ Trần Văn Sơn pah kan đah Bộ Giao thông vận tải mpeh lôch jêh an ƀư pah kan mât uănh Chính phủ n’hanh đăp mpăn nău lư rhŏ dŏng an pah kan rđău đă, ƀĭt juet bah Chính phủ, Thủ tướng Chính phủ.

N’glôch jêh rơh pah kan, Bộ trưởng Chủ nhiệm Văn phòng Chính phủ Trần Văn Sơn dăn đă, Bộ Giao thông vận tải ntrôl ngăch rgâl dơh glêh siƀŭt mât bôk kan; ngăch droh rklaih jêr jŏt, kŏ kol tâm nău  kan ƀư njêng, tăch rgâl n’hanh nău rêh bah nuĭh ƀon lan; lôch jêh tĭng ƀư ăp trong nchrăp rgâl hŏ dơi gưl n’gâng kan uănh an dŏng di rnoh ngăch, săk tam ndơ̆ luh. Uănh khlay koh n’hŭch, ƀư jêng dơh glêh siƀŭt mât kan tâm nhih pah kan gay n’hao săk tam nău kan bah n’gâng kan ntung trong nchuăn rdeng.