VOV4.M'nông: Ôi nar 7/2, lor rnôk lăp pah kan nar bôk năp lôch rlu Tết Nguyên đán Nhâm Dần, Groi Thủ tướng Rnâng kan Phạm Bình Minh ndrel ăp Groi Thủ tướng: Lê Minh Khái, Vũ Đức Đam, Lê Văn Thành hŏ mâp măt cán bộ, công chức viên chức Văn phòng Chính phủ. Lah ta rơh mâp măt, Nkhêp geh bôk năm mhe, ntơh măt kruanh rđău kan Chính phủ, Groi Thủ tướng Rnâng kan Phạm Bình Minh rnê âk ăp nău dơi, nău rgop bah Văn phòng Chính phủ đah ăp nău dơn kan bah Chính phủ, Thủ tướng Chính phủ; dăn an lĕ rngôch cán bộ, công chức, viên chức, nuĭh kan năm mhe n'hâm suan ngăch dăng, răm mƀak n'hanh geh âk nău dơi lơn đŏng kalơ ăp ntil nău kan. Năm 2022 lah năm tâl bar an tĭng ƀư trong nchrăp hun hao wăng sa- rêh jêng kon nuĭh 2021-2025 n'hanh bôk nău kan dâk hao tay n'hanh hun hao wăng sa jêng rnoh nău kan âk mpưm, jêng Groi Thủ tướng ŭch rŏng ăp vụ, cục, đơn vị n'hanh tĭng cán bộ, công chức, viên chức, nuĭh kan bah Văn phòng Chính phủ ntơm lăp pah kan ntơm bah bôk năm mhe dĭl./.

Nuĭh rblang: Điểu Thân