VOV4.M’nông: Ôi lơ 12/1, ta ntŭk kan Kruanh dak, ntŭk kan Kruanh dak ƀư rơh rƀŭn lôch nau kan năm 2021 ndrel ntrŭnh nau kan năm 2022. Ntoh nau tâm nar rƀŭn, Kruanh dak Nguyễn Xuân Phúc rnê prêh ntŭk kan Văn phòng Kruanh dak năm 2021 hŏ ƀư geh nau mhe, nsôih mhe tâm nau kơl nchră nau, kơl nau kan. Ƀư ueh nau ơm nê, năm 2022, Văn phòng Kruanh dak ân geh nchrăp ăp nau saơ nau kan.

Mât nâp nau kan bah neh dak gay ƀư ueh lơn tay nau kan kơl nchră nau ân Kruanh dak ndrel Groi Kruanh dak, ƀư ueh nau ơm tâm rnglăp, ƀư ueh lơn tay nau kơl tâm nchră, rgum rgop ân nau dơi bah neh dak. Kruanh dak kŏ lah rjăp, cán bộ ntŭk kan Kruanh dak ân ƀư ueh nuih n’hâm leo trong, ƀư chiăr nti, nchrăp mĭn, n’hao nau dơi nau kan, n’hâm njêng gay ƀư jêh nau kan kơl tâm nchră nau ma Đảng, Ngih dak jao./.

Nŭih rblang: H’Thi