VOV4.M’nông: Rnâng kan văng sa Trung ương ƀư “Tâm nchră hun hao nâp nâl văng sa dak lêng Việt Nam năm 2022” tâm n’gor Phú Yên. Nkuăl dak lêng Việt Nam geh tui ka âk ntil, đah rlau 2000 ntil ka, tâm nê nklăp 110 ntil geh rnoh văng sa âk. Tâm rnôk hun hao, nau kan tui ka mro ndơn geh nau kơl an bah Đảng, Ngih dak ndrel ăp gưl n’gâng kan. Êp nau kan sŏk joi tui ka, N’gâng kan tuch tăm ndrel Hun hao ƀon lan hŏ ndâk bôk nau kan rong tui ka dak lêng.

Văng sa dak lêng dôl jêng nau dơi gay hun hao neh dak. 60% rnoh tăch tâm dak nơm geh tă bah văng sa dak lêng. Nau pâl n’aih leo nsĭt 70% nroh geh ân nau kan pâl n’aih lam dak. Nchuăn rdeng ndoh ndơ trong dak lêng, rnoh geh sŏk joi dak pring, mât rong tui ka ndrel nhŭp joi tui ka geh rnoh văng sa prêh./.

Nŭih rblang: H’Thi