VOV4.M’nông-  Kêng măng nar 8/6, Thủ tướng Phạm Minh Chính lĕ vơt kruanh n’gâng kan mât rnă njrăng dak Cộng hòa Ấn Độ Rajnath Singh dôl geh rơh tât khâl ngăn Việt Nam. Ta rơh vơt, Thủ tướng lah na nê̆, Đảng ngih dak, chính phủ n’hanh ƀon lan Việt Nam dŭt uănh khlăy n’hanh way geh ŭch ntrôl hun hao tâm boh tâm rnglăp way ơm, pah kan nsum lĕ rngôch Việt Nam- Ấn Độ bâh nău tâm rgop bâh kăl e n’hanh văn hóa bâh ntơm, ăp nău khlăy n’hanh nău geh tâm ban, nău tâm knơm n’hanh tâm gĭt vât ndrel, tâm ban kơt tâm ton nsum đah luật pháp lam ntur neh.

Ta rơh tâm mâp, bar ding tâm mbơh mpeh ăp nău ta nkual n’hanh lam ntur neh ndrel mât uănh, ngăn lah n’hao nău ôp nău, tâm rgop ta ăp rơh tâm mâp âk ding, tâm kơl mât ueh nău đăp mpăn LHQ, ntrôl tâm boh kan ASEAN- Ấn Độ, lah na nê̆ nău ƀư ndranh bâh ASEAN tâm nău rnă njrăng ta nkual. Bar ding tâm mbơh nău kan mpeh nău khlăy bâh mât đăp mpăn, ueh lăng, rnă njrăng, đăp mpăn dah rŏng tăch rgâl ta dak lêng n’hanh trong ndeh păr ta Biển Đông, doh rklaih nău tâm rkeh đah ăp trong kan đăp mpăn bâh nău kan luật pháp lam ntur neh.

Nuĭh rblang: Thị Đoắt