Ăp nău mbơh nsum geh: Mbơh nsum ƀư jru tâm boh Kan ndrel têh hvi lĕ rngôch Việt Nam-Australia; Mbơh nsum mpeh n’hao soan njrăng rdâng, tâm di n’hanh rdâk njêng tay wăng sa Việt Nam-Australia; Mbơh nsum mpeh n’hao boăt nthoi khoa học, công nghệ n’hanh rgâl ƀư mhe đah Việt Nam n’hanh Australia.

Ăp văn kiện kan ndrel geh lĕ rngôch ta âk ntil nău, geh ăp samƀŭt nkah gĭt mpeh kan ndrel tâm ntil nău lŏ mir n’hanh hun hao thôn ƀon nâp nâl, ƀư tĭng pháp luật ta dak lêng, kan ndrel n’hanh ntop kơl ndrel tâm ntil nău mât njrăng bri dak, kan ndrel mpeh ntĭm nti nău kan, ntil nău dak si, ntĭl nău wăng sa mrô n’hanh kan ndrel mpeh nchoăn rdêng trong trôk. Rơh khâl gưl Ngih dak tât Australia bah Tổng Bí thư, Kruanh dak Tô Lâm n’hanh Mpôl đại biểu gưl prêh Việt Nam lĕ nâp nâl n’hanh n’hao nsing nơm chính trị ta gưl prêh ngăn, jêng n’hâm soan mhe an nău mbơh ƀư săk rnglăy kan ndrel lĕ rngôch, nkre nchrŏng trong kơl lor kan ndrel tâm lvang tât; dơi an kruanh 2 dak tâm rgâl jru hvi mpeh ăp nău nkual n’hanh lam  ntŭr neh ndrel uănh, n’hao tâm rgop ta ăp trong, tă bah nĕ mĭn lah tâm ton nsum đah tâm rnglăp, đăp mpăn, kan ndrel n’hanh hun hao nâp nâl ta nkual n’hanh ta lam ntŭr neh.