Ntơm lơ 13-16/6/2023 ta Đà Nẵng, Việt Nam mra ƀư tơm nar rƀŭn tal 42 bah Uỷ ban ASEAN mpeh nau mât njrăng nau khuch. Năm aơ, đah nau ƀư lah Kruanh Uỷ ban ASEAN mât njrăng nau trôk nar lơh, Việt Nam nsôih ntoh nau leo trong tâm ASEAN mô knŭng tâm nau kan mât đăp mpăn, văng sa ma hôm ntoh tâm nau ƀư văn hoá, rêh jêng, ma ta aơ lah mât đăp mpăn ân nsum mpôl bah năp nau khuch. ASEAN lah nkuăl geh khuch ngăn bah năp nau khuch yor trôk nar lơh kơt phŭt, dak lip, prăng bri, n’gơ neh ndrel yôk ŭnh pruh...

Ăp nau nsôih tâm nau rgop bah ASEAN mpeh nau njrăng nau khuch trôk nar lơh hŏ rgop nau n’hao nau dơi njrăng rdâng ndrel n’huch nau khuch ân ăp dak kan nsum, nkre, đah nuih n’hâm tâm rnglăp, ăp dak ASEAN kŏ ton mra ƀư ueh nau rƀŏng uănh bah ASEAN gay jêng nkuăl leo bôk mpeh nau mât njrăng trôk nar lơh bah nau tâm nchră, nkoch mbơh nau ndrel nau kan ngăn, kŏ kơt lah rgop tâm ăp nau nsôih lam ntur neh mpeh nau njrăng rdâng trôk nar lơh./.