VOV4.M’nông- Ta rơh tâm mâp bah dih rơh rƀŭn nchră gâl têh ASEAN-Mỹ, bar hê nuĭh leo kan Việt Nam-Campuchia lĕ tâm ban ŭch nthoi tay ăp nău pah kan hăn nsong đah trong neh n’hanh ndeh păr gay ma ntrôl tay lơn nău kan pâl nđaih đah 2 dak. Ntoh ngơi ta rơh tâm mâp ƀon lan Campuchia gŭ rêh n’hanh pah kan ta Mỹ n’hanh Canada, Thủ tướng Campuchia Hun Sen an gĭt, păng n’hanh Thủ tướng Việt Nam Phạm Minh Chính lĕ ndrel tâm nchră n’hanh tâm ban ŭch pơk tay ăp trong hăn pâl nđaih ma trong neh n’hanh trong trôk đah 2 ngih dak gay ma ntrôl an hun hao pâl nđaih n’hanh ndâk nsơm wăng sa neh dak. Campuchia n’hanh Việt Nam lĕ rlu ăp nău pah kan pâl nđaih kơp bâh ntrom nuh srê Covid-19 ntoh luh ta 2 dak, yơn mhe aơ Campuchia lĕ mbơh ngăn ngên pơk trong an ăp năch lĕ chuh tŏng Vacxin njrăng Covid-19.

Nuĭh rblang: Thị Đoắt