VOV4.M'nông: Tĭng nău lư bah Bộ Giáo dục n'hanh Đào tạo, lĕ rngôch 7 nuĭh Việt Nam râng tâm rlong Olympic Tin học Châu Á Thái Bình Dương năm 2022 geh huy chương da dê, tâm nê geh 3 Huy chương Vàng n'hanh 4 Huy chương Bạc.  

Olympic Tin học châu Á Thái Bình Dương năm 2022 dơi ƀư tĭng trong tâm rlong pơk sŏng dăng; Ai Cập lah dak đăng cai. Tĭng quy định bah Ban Tổ chức Olympic Tin học Châu Á Thái Bình Dương, Việt Nam dơi sơch 7 nuĭh tâm rlong geh điểm dŭt âk râng sơch ndơ nkhôm rnê. Ta Olympic Tin học Châu Á Thái Bình Dương năm 2022 geh 888 nuĭh tâm rlong bah 35 dak n'hanh nkual neh dơi tât râng. Kêng dŭt, geh 186 nuĭh geh ndơ nkhôm rnê. Lôch 10 năm râng Olympic Tin học Châu Á - Thái Bình Dương, aơ lah năm kon se nti Việt Nam geh nău dơi dŭt âk./.

Nuĭh rblang: Điểu Thân