VOV4.Mnông-Ta năp ăp nău dơi geh dơi bâh lvang rơh vơt năch dak bah dih, rlău 2 khay mbơh ƀư nău kan, n’gâng kan văn hóa thể thao n’hanh pâl nđaih lĕ dơn ngoăy đah ăp n’gâng kan n’hanh ăp ntŭk kan mpeh ntrong pơk mpông pâl nđaih lam ntur neh bâh khay 5 tay. Kơp bâh khay 11 năm 2021 tât aƀaơ, Việt Nam lĕ geh vơt rlău 8500 năch pâl nđaih dak bah dih tât 3 ntŭk lah Phú Quốc, Khánh Hòa, Quảng Nam. Lĕ rngôch ăp năch rnôk tât ta Việt Nam geh nău mbơh ueh da dê, nău vơt năch mât đăp mpăn. Bâh nău geh nĕ, n’gâng kan văn hóa thể thao n’hanh pâl nđaih lĕ dăn đă trong pơk mpông vơt năch dak bah dih, vơt năch dak bah dih tât Việt Nam n’hanh ndơ̆ năch hăn pâl nđaih tâm dak bah dih bâh khay 5/2022 bâh lĕ rngôch ăp mpông lăp tâm rnôk nău mhe. Tĭng ăp doanh nghiệp mbơh, nău mbơh ơm mông nar pơk tay nău pah kan pâl nđaih đah dak bah dih mbra ntop geh âk năch bâh âk ntŭk tăch rgâl. Aƀaơ lĕ geh 20 ntŭk lah ăp ntŭk tơm mpeh pâl nđaih geh dăn đă, ăp n’gâng kan geh kơl tay gay ma ăp ntŭk leo kan săch ntŭk leo kan leo vơt năch pâl nđaih bâh dak bah dih.

Nuĭh rblang: Thị Đoắt