VOV4.M’nông: Ôi lơ 5/4, ta Hà Nội hŏ geh nau ƀư “Nau kí nau nkah mpeh nau tâm boh tâm nau kan ntĭm nti kan pah đah Chính phủ dak Cộng hoà xã hội chủ nghĩa Việt Nam ndrel Chính phủ Liên hiệp Vương quốc Anh ndrel Bắc Ai-len”. Kruanh n’gâng kan Lao động-Thương binh ndrel Xã hội Đào Ngọc Dung ntoh măt Chính phủ Việt Nam ndrel nŭih ntoh măt dak Anh ndrel Bắc Ai-len ta Việt Nam, ntoh măt Chính phủ dak Anh ndrel Bắc Ai-len kí nau nkah. Ăp nkô̆ nau bah nau nkah, geh: Tâm mbơh ăp nau blau mpeh nti kan pah, kơl an ndâk ndrel ƀư ăp nau kan ntĭm nti kan pah nâp nâl, nau tâm boh rjăp tâm nau mât, rđau kan, ntĭm nti ndrel rnê ngăn nau blau kan tâm ăp ntŭk ntĭm nti nau kan ta Việt Nam, ntrŭt đă nau kan mrô mhe tâm nau ntĭm nti trực tuyến, rgâl nau kan ntĭm nti nau kan, ntrŭnh ƀư ăp nau mbơh ngơi ân tâm di tâm nau nti kan./.

Nŭih rblang: H’Thi