Tâm rnôk hăn khâl bah rmôt kan gưl prêh Đảng cộng sản Cuba khâl ndrel pah kan ta Việt Nam, ôi 4/5, rmôt hăn kan ntoh măt gưl prêh Đảng cộng sản Việt Nam yor wa Trương Thị Mai, Rnâng kan Bí thư, leo bôk ndrel tâm nchră đah rmôt kan ntoh măt gưl prêh bah Đảng Cộng sản Cuba. Ntoh măt rđau kan Trung ương Đảng Cộng sản Việt Nam wa Trương Thị Mai rhơn ăp ntoh măt gưl prêh bah Đảng Cộng sản Cuba khâl ndrel pah kan tâm Việt Nam ndrel ƀư tâm nchră Lý luận tal V đah bar Đảng, lah rjăp nau kan du ntil bah Việt Nam lah nau ntrŭnh rdâng lơi Cuba, ntoh nau rnơm lah, đah nau rđau kan bah Đảng cộng sản Cuba.

 Đảng, Ngih dak ndrel ƀon lan Cuba oh nô mra ƀư dơi ăp nau ntrŭnh Đại hội tal VIII nchrăp luh. Tâm rnôk tâm nchră, bar ding tâm nchră, mbơh ăp nau tă geh dơi ƀư tâm ăp nau kan tâm boh, ngăn lah tâm nchră gưl prêh, tâm nchră lý luận ndrel ƀư nau ngăn, ntĭm nti cán bộ, tâm mbơh nau, nkoch trêng, tâm rgop tâm ăp nau tâm nchră, nau kan âk ding bah lam ntur neh, nkre mbơh ăp nau kan tơm ndrel nau kan tâm boh đah bar Đảng tâm rơh tât, ngăn lah sŏk nau tâm boh Đảng ƀư tơm chính trị n’hao lơn tay tâm boh bar dak./.