Ntoh măt Đặng Hoàng Giang, Kruanh rmôt kan bah Việt Nam gŭ kan ta Liên hợp quốc hŏ geh nar pah kan đah ntoh măt Ha-râu Ây-giờ-mần, Kruanh rmôt kan bah Ghana gay tâm nchră tât nau tâm boh bar ding đah bar dak ndrel tâm boh ta Liên hợp quốc. Tâm nar pah kan, wa Đặng Hoàng Giang ntoh nau ryơk ngăn nau tâm boh vay ơm ueh ndrel nar lơn geh ƀư nâp đah bar dak tâm 50 năm ma aơ, ngăn lah rnê bah năp nau kơl an bah Ghana tâm rnôk tâm lơh nsĭt nau đăp mpăn bah Việt Nam.

Tâm nau ryơk nau tâm boh ueh lăng, bar ding tâm ban nau ân lah Việt Nam ndrel Ghana geh nau dơi têh mpeh nau tâm boh lơn tay tâm bar ding tâm âk ntil, geh tâm nchră rơh hăn kan ăp gưl, pơk hvi tăch rgâl, ntuh kơl ndrel tâm boh tâm ăp nau kan geh nau dơi, tâm nê geh ŭnh nar ndâk tay, ŭnh nar kloh./.