VOV4.M’nông: Lŏ bôk nau hăn khâl ndrel pah kan tâm Hoa Kỳ, Thủ tướng Phạm Minh Chính hŏ mâp wa John McAuliff, du hê nŭih băl bên jŏ năm, tâm dăch dơh ma Việt Nam ndrel ntoh măt bah ăp nŭih băl Hoa Kỳ kơl an ăp nŭih geh nau khuch bah dak si khih Đioxin bah Việt Nam. Tâm nar mâp, Thủ tướng mbơh ngoai tâm ăp nkô̆ nau tơm bah rơh hăn kan tât Hoa Kỳ lah rgop nau rklaih nau khuch bah tâm lơh kăl e.

Rơh rlau aơ, tâm nuih n’hâm “nkân lơi nau ơm, rƀŏng tât nau mhe”, Việt Nam ndrel Hoa Kỳ hŏ lŏ ntrŭt dăng ăp nau kan săk tam, ueh ngăn lơn gay ma ƀư ueh oi nau khuch tă geh tâm lơh. Thủ tướng ntoh nau lah ueh wa John McAuliff, ndrel ăp nŭih băl bên mpeh ăp nau nsôih bah păng đah nau kan kơl an tâm nchră nau bah ƀon lan bah Việt Nam tâm lôch 50 năm ma aơ, rgop ngăn ân ăp nau rklaih nau khuch jêh bah tâm lơh ta Việt Nam, ngăn lah hŏ ân âk nau ueh lăng, nau kan ngăn, rmông nar gay ma kơl an ăp nŭih geh ntưp ma dak si khuh Đioxin./.

Nŭih rblang: H’Thi