Việt Nam n’hanh Lào kan ndrel tay hun hao nuĭh kan tâm rnôk mhe du trong ngăn ngên n’hanh săk rnglăy. Rƀŭn nchră Kruanh n’gâng kan mpeh Pah kan, Nău geh uĕh lăng kon nuĭh n’hanh Hun hao nuĭh kan Việt Nam-Lào di nkah gĭt 60 năm ndâk njêng tâm boh tâm rnglăp nchră nău đah 2 dak ƀư nar 29/11 ta nkual ƀon têh Hạ Long, Quảng Ninh.

2 ding ký samƀŭt rƀŭn nchră n’hanh tâm ton kan ndrel tâm nău kan hun hao nuĭh kan

Rƀŭn nchră uănh lah prêh ăp săk rnglăy ƀư tĭng samƀŭt Rƀŭn nchră Kruanh n’gâng kan Nău kan n’hanh nău geh uĕh lăng kon nuĭh rơh tal 7 năm 2021 n’hanh nu nău kan ndrel mpeh pah kan n’hanh nău uĕh lăng kon nuĭh lvang 2012-2022. Tĭng nĕ, 2 ding ntrôl tay n’hanh nta nơih an pah kan 2 dak pah kan ta Lào n’hanh Việt Nam; tâm pă nău blău ơm mpeh hun hao nău blău pah kan tâm nu nău mhe, mât pah kan hăn trơn, ntop kơl pah kan geh khuch tâm rnôk srê Covid-19; ntop kơl nuĭh geh khuch bom mìn, đăp mpăn pah kan n’hanh nuĭh nuĭh koet nte... Tâm nchră ăp nău ƀư kan ndrel tâm năm 2023 n’hanh tâm ban ŭch mĭn njêng ăp trong rƀŏng kan ndrel tâm rnôk mhe.