VOV4.M’nông – Ăp rơh rƀŭn bah Ủy ban Tâm pă boăt nthoi ASEAN (ACCC) n’hanh rƀŭn boăt nthoi ASEAN rơh tal 13 ƀư ta Phnom Penh, Campuchia bah nar 1 tât nar 4/10. Đại sứ Nguyễn Hải Bằng, Kruanh mpôl ntoh măt Việt Nam ta ASEAN leo trong mpôl pah kan Việt Nam râng rơh rƀŭn. Ta rơh rƀŭn Ủy ban Tâm pă boăt nthoi ASEAN rơh tal 3/2022, ăp dak uănh lah prêh rgâl hao uĕh tâm nău ƀư trong nchrăp N’glôch jêh boăt nthoi ASEAN 2025.

Rƀŭn nchră Boăt nthoi ASEAN rơh tal 13 ta Phnom Penh, Campuchia.

Ăp dak kan ndrel mĭn lah ntop kơl ASEAN mbơh ƀư ăp nău nchrăp ƀư tâm rnôk trong nchrăp, gay n’hao ndâk njêng nsum mpôl ASEAN, n’hanh dăch dêh đah ASEAN n’hanh ăp dak kan ndrel, ntop kơl rdâk hao n’hanh hun hao wăng sa nkual. Rƀŭn boăt nthoi ASEAN rơh tal 13 năm aơ geh bôk nău: “N’hao boăt nthoi rƀŏng tât uănh nsum mpôl ASEAN bơi kơi năm 2025 nâp nâl, lĕ rngôch n’hanh geh soan hao”. Tâm rơh tâm nchră, ăp nuĭh ntoh măt nkoch mpeh nău mbơh, nău wât n’hanh nău blău ơm way kan mpeh trong uănh boăt nthoi ASEAN bah kơi năm 2025; ndâk njêng ntung trong n’hanh rgâl mrô nâp nâl gay hao jêng boăt nthoi.

VOV.Vn/  Nuĭh rlang: Y Sưng Phê Ja