Kruanh n’gâng kan nchrăp kan ndrel ntuh kơl Nguyễn Chí Dũng-Kruanh rmôt kan bah Việt Nam mhe râng tâm nchră Chính trị gưl prêh mpeh nau hun hao nâp nâl bah Liên hợp quốc-Mbơh ăp nkô̆ nau ŭch hun hao nâp nâl năm 2023 bah Việt Nam ndrel pah kan đah ăp ntŭk kan Chính phủ, ntŭk kan, rmôt kan, tơm ntuh kơl, rmôt kan têh bah Hoa Kỳ gay ma ntrŭt dăng nau tâm boh rgâl nau blau mhe ndrel nau kan, mĭn, nchră mbơh nau tă blau kan ndrel rgum tu tơm mpeh nau ndâk ntŭk rgum ƀư kan tơm prăk bah lam ntur neh, mâp ndrel rgum nau ntuh kơl ăp nau kan prêh mhe.

Mbơh nau bah Việt Nam mbơh tâm rnôk tâm nchră lah rjăp nau ton bah Việt Nam lŏ ƀư ueh nau kan nau dơi lah nŭih kan nsum geh nau dơi, rgop nau ngăn rjăp tâm ăp nau nsôih nsum bah nsum mpôl lam ntur neh. Nkô̆ nau bah nau mbơh rnôk tal 2 lah gay nkoch mbơh tât nau ngăch ƀư ăp nau kan nâp nâl, ăp nau ntrơn rgâl ndrel nau ueh dơi khlay rđil tal bôk năp, ăp nau jêr, nau ntul rlong ndŏ luh ndrel trong rƀŏng gay ƀư ntrŭt dăng nau kan ƀư ăp nkô̆ hun hao nâp nâl tâm rơh tât./.