VOV4.M’nông: Ôi lơ 18/5, ta gôl dak Tuần Châu, nkuăl ƀon têh Hạ Long, n’gor Quảng Ninh, N’gâng kan tuch tăm ndrel hun hao ƀon lan Việt Nam tâm rgop nsum đah N’gâng kan tuch tăm ƀon lan Trung Quốc ndrel UBND n’gor Quảng Ninh ƀư nau “M’ơk ntil ka ân nkuăl êp mpir dak lêng Vịnh Bắc Bộ năm 2022”. Nchrăp mra geh rlau 8 rkeh kon ntil tui ka geh m’ơk tâm rơh rƀŭn ta Tuần Châu. Nau kan geh tâm bôk nau ƀư nau nkah mpeh nau ntrŭnh tâm boh m’ơk ntil ka ndrel mât tơm tui ka tâm Vịnh Bắc Bộ geh ký đah Kruanh N’gâng kan tuch tăm ndrel Hun hao ƀon lan Việt Nam ndrel Kruanh N’gâng kan tuch tăm ƀon lan Trung Quốc di rnôk khâl bah Tổng Bí thư Nguyễn Phú Trọng tât Trung Quốc năm 2017. Ntơm năm 2017 tât rnôk aơ, 2 ding hŏ tâm rgop ƀư geh nau dơi 04 tơ̆ ƀư nau m’ơk kon ka ntil nsum tâm Vịnh Bắc bộ./.

Nŭih rblang: H’Thi