Nar 15/6, hăn pah kan tay ta ăp n’gor miền Trung, wa Đỗ Tiến Sỹ, Tổng Giám đốc Đài TNVN (VOV) leo mpôl pah kan bah VOV pah kan đah wa Nguyễn Hải Ninh, Bí thư N’gor ủy Khánh Hòa n’hanh ăp n’gâng kan nău kan geh tât tâm nchră nău tâm rgop ƀư bôk nău kan chính luận nghệ thuật “Dăng, ndrŏng bah dak lêng ƀon tơm”. Bôk nău kan chính luận nghệ thuật “Dăng, ndrŏng bah dak lêng ƀon tơm” yor Đài TNVN (VOV) tâm rgop đah Ban Tuyên giáo Trung ương, Tổng cục Chính trị Quân đội nhân dân Việt Nam-N’gâng kan mât njrăng bri dak n’hanh UBND n’gor Khánh Hòa ƀư.

Bôk nău ƀư jŏ 90 mnĭt, nchrăp ƀư tâm măng 15/8/2023 ta cầu cảng Học viện Hải quân, nkual ƀon têh Nha Trang. Aơ lah bôk nău kan têh tâm ban lam dak. Nkô̆ nău rgum uănh tay săk rnglăy ƀư tĭng Nghị quyết Đại hội 13 bah Đảng ta ăp nkual dak lêng, gôl dak bah bôk năm kan tât aƀaơ. Bôk nău kan chính luận nghệ thuật “Dăng ndrŏng bah dak lêng ƀon tơm” nkoch nău mbơh mĭn lah nuih n’hâm rŏng dak lêng jru hvi bah nuĭh ƀon lan Việt Nam; ŭch hun hao wăng sa dak lêng Việt Nam, mât njrăng ƀư tơm dak lêng, gôl dak Neh dak...