Ôi 6/9, Radio Việt Âm ƀư bôk nau kan tâm mâp măt di nkah 79 năm nar ndâk. Ntoh nau tâm nar nkah, Tổng Giám đốc Radio Việt Nam Đỗ Tiến Sỹ nkah tay nau ndâk Radio Việt Nam, bah rnôk aơ 79 năm, knŭng jêh 5 nar Kruanh Hồ Chí Minh răk Tuyên ngôn Độc lập ton đah lam kon nŭih ndrel lam ntur neh mpeh nau ntơm geh bah Việt Nam Dân chủ Cộng hoà, di rnôk 11h30 mnĭt lơ 7/9/1945, Radio Việt Nam (VOV) ntơm njêng nar ntoh ngơi bôk năp đah nau ngơi Việt, nau ngơi Anh ndrel nau Pháp đah nau pơk bôk: “Aơ lah nau ngơi Việt Nam, ntoh tă bah Hà Nội, Thủ đô dak Việt Nam dân chủ Cộng hoà”.

Tâm bar rơh tâm lơh rdâng phung rlăng Pháp ndrel Mỹ, Radio Việt Nam hŏ ntrơn 14 tŏ gay đăp mpăn ueh nau ntoh ngơi bah neh dak. Rlet rlau 79 năm têh jêng ndrel hun hao, ăp rơh kơn cán bộ, phóng viên, kỹ thuật viên, văn nghệ sỹ ndrel nŭih pah kan bah Radio Việt Nam hŏ nsum nuih n’hâm, rlet nau jêr ntul rlong gay ndâk Radio Việt Nam nâp dăng, tâm di ma nau rnơm bah Đảng, bah ƀon lan. Radio Việt Nam jêng “Nau ngơi bah neh dak”, bah nau đăp mpăn, dah rŏng, lah nau ngơi bah Đảng, Ngih dak ndrel ƀon lan Việt Nam, nŭih băl rnơm bah băl bên lam ntur neh./.