VOV4.M’nông - Di nkah gĭt 97 năm Nar Báo chí Cách mạng Việt Nam, ôi 21/6, ta nkual ƀon têh Buôn Ma Thuột, Hội đồng Giải Báo chí n’gor Dak Lak ƀư an “Giải Báo chí n’gor Dak Lak rơh tal 2 năm 2021”. Giải báo chí n’gor Dak Lak năm aơ geh 155 tác phẩm bah ăp rmôt, nuĭh tâm ăp ngih pah kan báo chí ta n’gor n’hanh Trung ương rgop ta n’gor râng tâm rlong ăp ntil Ntuh ngơi, ntuh rup, báo in, Báo điện tử n’hanh Rup báo chí.

Rmôt nuĭh geh giải A Giải Bái chí Dak Lak.

Hội đồng Báo chí n’gor Dak Lak lĕ săch geh 52 tác phẩm uĕh ngăn gay an nkhôm, geh 4 giải A, 8 giải B, 18 giải C n’hanh ăp giải khuyến khích. Wa Nguyễn Văn Phú-Kruanh Hội Nhà báo n’gor Dak Lak-uănh lah, ăp tác phẩm râng tâm rlong năm aơ uĕh da dê, geh âk trong saơ, uănh lah uĕh nău ngăn nu nău chính trị, wăng sa n’hanh văn hóa-rêh jêng ta Dak Lak. Lơn lah năm aơ VOV Tây Nguyên lah ngoăy tâm âk ntŭk kan râng tâm rlong ta âk ntil báo chí, n’hanh dơi geh 7 giải nkhôm, tâm nĕ geh du giải A, 1 giải B n’hanh 2 giải C.

Nuĭh rlang: Y Sưng Phê Ja