Gay kơl an kon se nkuăl jru, nkual ngai geh tay ndơ pâl kơl an năm nti mhe, lơ 14/6, Công đoàn Ntŭk kan Radio Việt Nam ta Tây Nguyên tâm rgop đah ăp ntŭk kơl an hŏ pă 600 blah ndơ pâl lắp ghép ân kon se mầm non bah nkuăl Lắk, n’gor Dak Lak. 600 blah ndơ pâl dăp jêng ngih đah kđar Mula-ikea geh ƀư đah ntil si sồi dăng, sơn mài acrylic ang rsang ndrel nhựa Polypropylen. Rnoh dĭng lĕ rnoh ndơ aơ geh bơi tât 240 rkeh.

Wa Hoàng Thị Thắm ƀư nau kan tâm gưl mầm non bah Jrâu kan ntĭm nti nkuăl Lắk, n’gor Dak Lak mbơh, nkual Lắk geh 13 ngih săm ƀŭt mầm non, tâm nê geh 12 ngih săm ƀŭt ndâk njêng nsum ndrel du ngih săm ƀŭt ndâk nkra êng đah rlau 4000 kon se, tâm nê rnoh kon se nŭih rnoi mpôl đê̆ geh rlau 50%. Ăp nklâm ndơ bah VOV Tây Nguyên pă ân mra kơl an kon se geh tay nau nsôih ƀư tay ăp nau kan geh blau tâm nau mĭn tâm rnôk ntĭm nti./.