Lơ 14/2, ta nkuăl ƀon têh Vũng Tàu, n’gor Bà Rịa-Vũng Tàu, N’gâng kan rđau tahen Tư lệnh Vùng 2 Hải quân ndrel ăp ntŭk kan, rmôt kan tâm lam ntuk kan Long Sơn ƀư nau rgŏ jă “Tết tăm tơm si mro mrăng nkah gĭt Wa Hồ” ƀư nau rhơn, nkah kơt 65 năm nar Kruanh Hồ Chí Minh rgŏ jă “Tết tăm tơm si” (1959-2024) ƀư bôk nau kan tăm di rmen tơm si “yor neh Việt Nam ndrih” bah Thủ tướng Chính phủ rgŏ jă.

N’hao nau khlay bah nar nkah, Đại tá Lê Bá Quân, Groi rđau kan, Kruanh n’gâng kan Vùng 2 Hải quân đă ăp gưl uỷ, rđau kan ăp gưl lŏ rđau, đă ƀư ueh nau kan nkoch trêng, ntĭm mbơh ân cán bộ, tahen mpeh nkô̆ nau, nau khlay bah kan tăm ndrel mât chăm tơm si ân tâm di đah nau rgum ntŭk, neh ntu, rnoh tăm, ntil si tăm. Đại tá Lê Bá Quân mbơh: Tâm rnôk tât, Rđau kan tư lệnh Vùng 2 Hải quân ndrel ăp rmôt kan lŏ tăm rlau 3000 tơm si gay ma ƀư nau ueh neh ntu, ntŭk kan nâp, kloh, ndrih, ueh./.