Di rơh kahgĭt 76 năm nar athen sôt rmanh, ta rơh tât khâl n’hanh pah kan ta Dak Lak, ôi lơ 24/7, wa Phan Đình Trạc, kruanh rnâng kan nội chính Trung ương ndrel đah mpôl pah kan lĕ tât chop môch tahen khĭt tâm lơh kăl e n’gor n’hanh tât ôp khâl, rgŏ jă ăp rnăk tahen khĭt rnôk pah kan ta nkuăl Cư Kuin, n’gor Dak Lăk.

Ta jay ăp tahen khĭt, mpôl pah kan lĕ su nhang kahgĭt tât ăp cán bộ, tahen khĭt yor nău mât đăp mpăn bâh ƀon lan, tât ôp khâl, rgŏ jă n’hanh njoăl nău rngot klâng tât ăp rnăk vâl tahen khĭt. Nkoch đah ăp rnăk vâl, cán bộ, tahen khĭt mpeh nău roh jot rngot klâng aơ, wa Phan Đình Trạc, kruanh rnâng kan nội chính trung ương lah na nê̆, Đảng, ngih dak way geh mât uănh, ƀư tĭng ueh nău kơl kan, nău kan đah cán bộ, tahen khĭt, geh âk trong kan rgŏ jă bonh leng, gay ma nuĭh rnăk vâl ăp tahen khĭt ơm rlet rlău nău rngot klâng têh aơ.

Ta năp nĕ, mpôl pah kan lĕ tât mpoh su nhang, an kao si chop môch tahen khĭt ta n’gor Dak Lak.