VOV4.M’nông – Nar nđaơ (19.6), wa Phan Đình Trạc-Ủy viên Bộ Chính trị, Bí thư Trung ương Đảng, Kruanh Ban Nội Chính Trung ương ndrel mpôl ntoh măt Quốc hội ntŭk kan n’gor Lâm Đồng, lĕ mâp nuĭh ƀon lan ta xă Đại Lào, nkual ƀon têh Bảo Lộc n’hanh xă Liên Đầm, nkuăl Di Linh. Ta ăp ntŭk mâp, nuĭh ƀon lan nkoch nău rhơn n’hanh răm đah săk rnglăy bah rơh rƀŭn tal 3, ngăn lah Quốc hội lĕ an âk mông nar tâm nchră, mbơh an âk nkô̆ nău khlay.

Wa Phan Đình Trạc mâp nuĭh ƀon lan ta Lâm Đồng

Nkre, nuĭh ƀon lan dăn đă tay tât Mpôl ntoh măt Quốc hội ntŭk kan n’gor Lâm Đồng ăp  nău mhe ntoh dơi uănh tât, mkra. Ndơn măt mpôl Quốc hội n’gor Lâm Đồng, wa Phan Đình Trạc-lĕ djăt ăp nău rgop, dăn đă bah nuĭh ƀon lan n’hanh ơh na nê̆ du đêt nkô̆ nău dơi mkra. Êng trong kan njrăng n’gang sa khâm, wa Phan Đình Trạc mĭn lah mbra “mô an geh ntŭk mô an, mô geh ntŭk mô ƀư” n’hanh mbra ƀư dŭt n’hâm lơn tâm năm tât.

Nuĭh rblang: Y Sưng Phê Ja