Ôi 12/4, wa Phan Đình Trạc-Kruanh Ban Nội chính Trung ương ndrel rmôt hăn kan hŏ geh nar pah kan đah Ban Rnâng kan N’gor uỷ Tây Ninh. Ntoh nau tâm nar pah kan, wa Phan Đình Trạc rnê prêh nau tă blau rđau kan, rđau đă bah Rnâng kan N’gor uỷ mpeh nau kan nội chính, rgâl tư pháp ndrel nau kan njrăng, rdâng sa khâm, mpŭng lir. Kruanh Ban Nội chính Trung ương đă n’gor Tây Ninh nkah.

Rgum rđau, đă ăp nkô̆ nau mpeh nau mât đăp mpăn nkuăl n’har bri, rnă njrăng, mât nâp, rƀŭn chroh, ƀon lan, n’hao săk tam nau kan ndrel nau tâm rgop đah ntŭk kan nội chính tư pháp, n’hao nau kan mêt uănh, nkân njrăng nau dơi ƀư tâm nau mhal dôih. Wa Phan Đình Trạc kŏ đă Tây Ninh ân nkah nau kan mêt uănh tâm ntŭk kan nơm, ntô̆ n’hao nau kan “ang êng, nkra êng” đah ăp nŭih cán bộ, đảng viên ndrel rmôt kan, ngăn lah ăp nau kan, ntŭk kan nơih geh sa khâm, mpŭng lir./.