Ôi 6/9, Tỉnh ủy Gia Lai hŏ ƀư tâm nchră mbơh nău n’glêh an bah Ban Thường vụ Tỉnh ủy, nchŏng đă wa Rah Lan Chung ƀư Bí thư Ban cán sự đảng UBND n’gor năm kan 2021-2026. Ta tâm nchră, wa Hồ Văn Niên- Bí thư Tỉnh uỷ Gia Lai hŏ ndơ̆ siƀŭt n’glêh an bah Ban Thường vụ Tỉnh ủy n’hanh an kao si mbah rhơn wa Rah Lan Chung.

Wa Ran Lan Chung – Groi Bí thư Tỉnh ủy, Kruanh UBND n’gor dơi nchŏng đă ƀư Bí thư Ban cán sự đảng UBND n’gor Gia Lai năm kan 2021-2026. Bah năp nê, tâm nar 27/8, ta rơh hop bah Hội đồng Nhân dân n’gor Gia Lai, wa Rah Lan Chung hŏ dơi sơch ƀư Kruanh UBND n’gor Gia Lai. Wa Rah Lan Chung, 53 năm deh, nuĭh Jarai, ƀon tơm ta thị trấn Chư Prông, nkuâl Chư Prông, n’gor Gia Lai. Tâm rnôk pah kan, păng hŏ dơn ƀư âk nău kan khlay ta nkuâl Chư Păh n’hanh Tỉnh ủy Gia Lai. Lor rnôk dơi ntăm ƀư Kruanh UBND n’gor, wa Chung ƀư Groi Bí thư tỉnh ủy.