VOV4.Mnông- Kêng măng nar 8/2, tât khâl, rhơn tết n’hanh pah kan ta n’gâng kan ntĭm n’hanh nti, Ủy viên bộ chính trị, groi kruanh rnâng kan Quốc hội Trần Thanh Mẫn nkah đă tâm let năp tay an geh uănh khlăy lơn ntĭm nti nău mĭn, nău kan, nău dơi mĭn kan, ngăn lah ntĭm nti nău rŏng dak, ryơk n’hao, ryơk rnê mpôl rnoi...Ndâk nsơm nău ŭch hun hao neh dak têh dăng, hơm răm. Nkoch mbơh ăp nău kŏ khan, nău mô hŏ dơi tâm nĕ geh 2 rmôt nău geh mât uănh lah rgâl mhe lĕ rngôch ntĭm nti n’hanh mât đăp mpăn nău ueh di ntĭm n’hanh nti tâm rnôk geh nuh srê Covid-19, wa Trần Thanh Mẫn dăn đă, n’gâng kan ntĭm nti an geh uănh gĭt na nê̆ ăp nkô̆ nău tât êng êng, nău mô dơi, an geh ăp ntrong doh rklaih lor, jŏ jong, na nê̆, gay ma uănh năl. Nkre lah đă, Ủy ban văn hóa, ntĭm nti n’hanh n’gâng kan ntĭm n’hanh nti an geh nău tâm rgop ƀa ƀơ, săk rnglăy, gay ma ngăch doh rklaih ăp nău ntoh luh bâh nău ngăn. An geh tâm rgop na nê̆ ntĭm nti đah nău mĭn uănh, mbơh tơih, dŏng ăp nău dơi mpeh khoa học n’hanh công nghệ mhe, ƀư tĭng ntĭm nti tĭng nău ŭch geh bâh ntŭk tăch rgâl ta ntŭk.

Nuĭh rblang: Thị Đoắt

hị Đoắt