VOV4.M’nông – Ôi 29/5, ta nkuăl Bá Thước, n’gor Thanh Hóa, ƀư hăn kan druh ndăm khay mih năm 2022 yor Trung ương Đoàn TNCS HCM ƀư. Nău kan druh ndăm khay mih 2022 mbơh ƀư đah âk nău kan geh nkô̆ ta 74 nkuăl ach o ta 26 n’gor, 54 xă dŭt jêr jŏt nkual mper dak lêng n’hanh gôl dak ta 12 n’gor n’hanh 33 Ƀon druh ndăm ndâk njêng nău kan yor Trung ương Đoàn ntuh kơl lvang 2001-2020. Nău kan kơl kan khay mih năm aơ ƀư bah nar 1/6 tât 31/8 đah trong way ƀư lam hvi-đăp mpăn-săk rnglăy-nâp nâl hăn ndrel đah nău kan chính trị, nău ŭch ngăn bah tĭng ntŭk, ntŭk kan. Ntoh ngơi ta Nar ƀư, Groi Kruanh rnâng kan Quốc hội Trần Thanh Mẫn đă: Rmôt kan đoàn an mĭn tay nău kan druh ndăm kơl kan khay mih lah du rơh rgum rƀŭn chính trị khlay, tă bah nău kan gay ntĭm nti nău mĭn cách mạng, nău rêh văn hóa an đoàn viên, druh ndăm, rdâk nsơm nuih n’hâm ŭch êng, nchrăp nsơr soan, nău rêh nău geh jêt bah nơm yor nău uĕh nsum, rêh jêng kon nuĭh, yor nău uĕh lăng bah neh dak.

Nŭih blang: Y Sưng Phê Ja