VOV4.M'nông: Kêng măng 26/1, ta Hà Nội, Ủy ban Trung ương MTTQ Việt Nam, Báo Đại đoàn kết ƀư nkah ndray 80 năm nar njêng Báo Cứu quốc - Giải phóng - Đại Đoàn kết. Mbah rhơn n'hanh mpư rnê ăp rơh kơn ăp nuĭh ƀư Báo Đại đoàn kết tâm 80 năm aơ, wa Trần Thanh Mẫn dăn đă Báo Đại đoàn kết tĭng ƀư geh nău tam nău kan groi nđôi, rlăch ndăng nău tih tâm nău rêh, njrăng n'gang sa khâm, tih djơh, rgop rdâk njêng Đảng, n'gâng kan; rlăch ndăng lah nău tih djơh, sŏk nău "rdâk njêng" gay "rdâng lơh”. Nkre ntrôl dăng rlăch ndăng ăp nău mĭn, nău kan tih leh, mplư rlăm ƀư jêng tâm lơh tâm su bah ăp phŭng rlăng gay lơh chrai tâm rnglăp lam rnoi nuĭh. Wa Trần Thanh Mẫn ŭch rŏng ăp cán bộ, phóng viên Báo Đại đoàn kết way kơt nti, n'hao nău gĭt blău kan, lý luận chính trị gay geh ăp nău nchih uĕh, di nuih n'hâm nuĭh răk uănh đah nuih n'hâm kloh rsang, gay dăp bun tay nău way ơm bah Báo Đại đoàn kết 80 năm rlău aơ./.

Nuĭh rblang: Điểu Thân