Kêng măng 26/7, ta Jay Quốc hội, Groi Kruanh rnâng kan Quốc hội Trần Thanh Mẫn ƀư tơm Rơh  hop n’glôch jêh Tâm rlong nkhôm rnê Diên Hồng lor bôk năp năm 2023. Ta tâm nchră, ăp đại biểu rnê âk ăp nău nchih râng tâm rlong dơi ƀư ăp tŏng rêng, săk tam âk mpeh nkô̆, pơk ta âk rơh.

Ăp nău nchih hŏ grêt dăch, nchih nkoch ăp tŏng mpeh nkô̆, Tĭng Thể lệ Giải báo chí Diên Hồng lor bôk năp, geh nkô̆ uĕh, grêt dăch tĭng n’hâm n’hôr nău rêh, lơn lah ƀư ntoh lư ntŭk gŭ kan, ntŭk khlay kan, nău dơn kan bah Quốc hội, Hội đồng nhân dân ăp gưl, ăp nuĭh ntơh măt an ƀon lan ntoh lư, geh ring lam tât nsum mpôl. Groi Kruanh Quốc hội Trần Thanh Mẫn lah rjăp, Tâm rlong  nkhôm rnê Diên Hồng- Mpư rnê ăp nhà báo nchih mpeh nkô̆ ƀon lan sơch n’hao, nhih  pah kan ƀon lan sơch n’hao kan; dăn đă nkra bah ăp nău khoah rơh tâm rlong bôk năp, an ƀư geh nău tam tay tâm rlong nkhôm rnê Diên Hồng tâl 2. Tâm nê, rgâl nkra, kơi ntop Thể lệ Giải Diên Hồng tâl 2 gay rgum geh âk nău nchih râng tâm rlong./.