VOV4.M’nông – Ta Ngih Quốc hội, Groi Kruanh rnâng kan Quốc hội Trần Thanh Mẫn lĕ wơt Đặc phái viên bah Tổng thống Hoa Kỳ mpeh rgâl trôk nar John Kerry, dôl geh rơh khâl pah kan ta Việt Nam. Groi Kruanh rnâng kan Quốc hội Trần Thanh Mẫn lah rjăp: ngoăy tâm âk dak geh khuch hô ngăn yor rgâl trôk nar, ngăn lah ta nkual dâng rđŭng dak me Cửu Long, Yôr nê, Việt Nam mĭn rdâng đah rgâl trôk nar lah nău kan khlay, tơm khlay ngăn. Tâm năm tât, Quốc hội Việt Nam mbra hăn ndrel tay đah Chính phủ ndâk njêng n’hanh lôch jêh cơ sở pháp lý gay ntrôl hun hao ăp ŭnh nar nkra njêng kơt điện sial, điện Măt nar; rgâl nkra tay ăp nău rƀŏng bah nău kan têh hao jêng uĕh nđĭr; mpŏng Hoa Kỳ n’hao ntop kơl an Việt Nam đah prăk kaih, công nghệ, ntung trong, ntĭm nti nuĭh kan n’hanh nău blău ơm rgâl ŭnh nar gay Việt Nam dơi ƀư tŏng ăp tâm ton ta COP26.

Nuĭh rblang: Y Sưng Phê Ja