Kêng măng 10/2, ta phường Quy Nhơn, n’gor Gia Lai, wa Trịnh Văn Quyết, Ủy viên Bộ Chính trị, Kruanh Ban Tuyên giáo n’hanh Dân vận Trung ương ƀư tơm nar pah kan, groi nđôi, uănh nđôi trong kan nchrăp săch đại biểu Quốc hội khóa 16 n’hanh đại biểu HĐND ăp gưl năm kan 2026-2031. Tĭng samƀŭt mbơh, tât lơ 10/2, n’gor Gia Lai lĕ jêh nău ndâk njêng Ban Ntĭm rđău n’hanh Ủy ban Săch n’gor; 135 xă, phường ndâk njêng tŏng ăp Ủy ban Săch tĭng nău ntrŭnh.

Lam n’gor geh 2.179 nkual nklăch phiếu đah ăp rmôt săch dơi ƀư di gưl; săk nuĭh ƀon lan nchih bơi 2,6 rkeh nuĭh. Ntoh ngơi ntĭm rđău, đồng chí Trịnh Văn Quyết đă mât uănh rjăp, geh nău tâm ban âk tâm nuĭh ƀon lan; n’hao nkoch trêng mpeh nău dơi, nău kan nuĭh ƀon lan; nta an nuĭh dơi săch mâp tay nuĭh ƀon lan, nchrăp uĕh rƀŭn nchră hiệp thương rơh tal 3, đăp mpăn săch geh âk đại biểu ntoh lư, tâm di. N’gor an n’hao nkoch trêng gay nuĭh ƀon lan wât kloh nău dơi n’hanh nău kan nuĭh ƀon lan; nta nơih an nuĭh dơi săch mâp nuĭh ƀon lan, nchrăp uĕh rƀŭn nchră hiệp thương rơh tal 3.