VOV4.M'nông: Ôi (30/9), Tỉnh ủy Gia Lai hŏ ƀư tâm nchră mbơh nău n'glêh an nchŏng đă wa Trương Hải Long- Groi Bí thư Tỉnh uỷ, Kruanh UBND n'gor Gia Lai ƀư Bí thư Ban cán sự Đảng UBND n'gor. Ta rnôk tâm nchră, Tỉnh uỷ Gia Lai mbơh nău n'glêh an bah Ban Thường vụ Tỉnh ủy mpeh nău kơi ntop an ƀư Bí thư Ban cán sự Đảng UBND n'gor năm kan 2021-2026 đah wa Trương Hải Long.

Lah ta rnôk dơn nău kan, wa Trương Hải Long an gĭt săk păng nơm ân nsrôih lĕ n'hâm suan he nơm, du nuih n'hâm đah nău kan dơi jao; rdâk njêng, mât trong tâm rnglăp, dơn ngoăy tâm nhih pah kan; tĭng jăp nău way rgum geh nău tâm ban tâm Đảng, ăp nău way pah kan n'hanh nsum mpôl Ban cán sự Đảng UBND n'gor tâm rnglăp, rlău ăp ntil nău jêr jŏt, ntul rlong n'hanh way dơn kan âk tâm nău kan yor ma nău hun hao nsum bah n'gor./.

VOV Tây Nguyên

Nuĭh rblang: Điểu Thân