Nar 21/2, ta Nhih pah kan Trung ương Đảng, wa Trương Thị Mai, Uỷ viên Bộ Chính trị, Rnâng kan Ban Bí thư, Kruanh Ban Tổ chức Trung ương ƀư  tơm tâm nchră đah ăp ban đảng, đảng đoàn, ban cán sự đảng, ăp đảng uỷ mpeh Trung ương mpeh nô nău tĭng ƀư bôk  nău kan bah Bộ Chính trị, Ban Bí thư năm 2023 n’hanh nău rdâk njêng, tĭng ƀư bôk nău kan bah Bộ Chính trị, Ban Bí thư năm 2024.

N’glôch jêh tâm nchră, wa Trương Thị Mai rnê âk  ăp ban đảng, đảng đoàn, ban cán sự đảng, ăp đảng uỷ mpeh Trung ương tâm năm 2023 hŏ nsrôih, lor nchrăp  ăp đề án, mbơh dơi nău tâm pă bôk nău kan bah Bộ Chính trị, Ban Bí thư, săk tam nkô̆ ăp đề án, mbơh lor  bôk  năp mpeh nău ŭch geh. Năm 2024, ntik n’hao ăp nău dơi hŏ geh, nkra bah ăp nchiăng khan, mpăng đêt, Rnâng kan Ban Bí thư đă ăp nhih pah kan geh tât ân kan nsum uĕh lơn đŏng tâm nău rdâk  njêng bôk nău kan, trong nchrăp leo tĭng ƀư  ăp đề án bah Bộ Chính trị, Ban Bí thư; ăp nhih pah kan dơi jao nău kan ân rgum, rđău đă rdâk njêng ăp đề án, mbơh dơi tâm pă kan; du đêt đề án jêr hŏ nchiăng khan bah âk năm  bah năp nơh ân rgum nkra bah lĕ tĭng bôk nău kan hŏ ndơ̆ luh./.